Daşkənddə köhnə binalardan birinin zirzəmisində 80 il bundan əvvəl yoxa çıxmış xəzinə tapılıb.

Axar.az xəbər verir ki, zirzəmidə qazıntı işləri aparan Özbəkistan Dövlət Universitetinin alimləri xəzinənin dəyərinin bir milyon dollardan artıq olduğunu bildirib.

Alimlərin fikrincə, 1870-ci ildə binanın daha bir bölməsi olsa da, sonradan girişi dağılıb. Buna görə də bu müddət ərzində heç kim buranın mövcudluğundan xəbər tutmayıb.

Buradan qızıl və gümüş sikkələr, qablar, şəkillər, zinət əşyaları, Knyaz Romanovun 1918-ci ildə Daşkənddəki sarayındakı kolleksiyasından eksponatlar və Stalin repressiyası qurbanlarına aid predmetler tapılıb. Hazırda bütün unikal tapıntılar muzeylərə təhvil verilir, illər ərzində zərər görmüş eksponatlar isə Almaniya və Polşadakı restavratorlara göndəriləcək.

Tapıntılar arasında ən nadiri isə Avstriyada istehsal edilmiş qızıl mikroskop olub.