Portuqaliyalı baş məşqçi Joze Mourinyo karyerası ərzində qovulmalara görə 100 milyon avrodan çox təzminat alıb.

Axar.az xəbər verir ki, bu barədə “Rekord” qəzeti məlumat yayıb.

Qeyd edək ki, avqustun 29-da 62 yaşlı Mourinyo Çempionlar Liqasında uğursuz çıxış edərək komandasının seçmə mərhələsinin pley-off mərhələsində Portuqaliya “Benfika”sına uduzduğu və ümumi mərhələyə yüksəlmədiyi üçün Türkiyənin “Fənərbağça” klubundan qovulub. Mourinyo qovulduqdan sonra 15 milyon avro təzminat alacaq. Portuqaliyalıya karyerası ərzində ödənilən təzminatın ümumi məbləği 108 milyon avroya çatıb. Mourinyo “Roma”, “Çelsi” (iki dəfə), “Tottenhem”, “Real Madrid” və “Mançester Yunayted”dən qovulduqdan sonra təzminat alıb.