"Bu böyük qələbəyə görə "Qarabağ" komandasının rəhbəri Qurban Qurbanova öz təşəkkürümü bidirirəm".

Bu sözləri Axar.az xəbər portalına açıqlamasında gənc millət vəkili Fuad Muradov Azərbaycanın milli yığması "Qarabağ"ın zəfərindən danışarkən deyib.

"Qarabağın Avropa liqasına vəsiqə qazanması həm qələbə baxımından, həm də komandamızın adı baxımından çox önəmlidir. Bu, çox böyük bir uğurdur. İnanıram ki, bu, hələ başlanğıcdır.

Ümumiyyətlə,"Qarabağ" komandası son vaxtlar çox yaxşı oyunlar nümayiş etdirir. Əlbəttə ki,bu komandanın məşqçisi Qurban Qurbanovun əziyyətinin bəhrəsidir. Eyni zamanda oyunçularda da ruh yüksəkliyi özünü göstərir. Bu zəfər "Qarabağ"ın gələcəkdə yeni uğurlara imza atmasına zəmin yaradacaq. Onları təbrik edirəm. Komandanın rəhbərinə və bütün oyunçulara öz təşəkkürümü bildirirəm".