Azərbaycan Premyer Liqasının XI turu çərçivəsində “Neftçi”-”Zirə” oyununda xoşagəlməz hadisələr yaşanıb.

Axar.az Report-a istinadla xəbər verir ki, oyunun 41-ci dəqiqəsində Neftçi"nin məşqçisi Füzuli Məmmədov yerə yıxılıb.

Həkimlər ona müdaxilə edib və F. Məmmədov ayağa qalxıb. Hadisədən sonra "Neftçi"nin prezidenti Kamran Quliyev dərhal özünü ehtiyat oyunçular skamyasına çatdırıb.

Füzuli Məmmədovun yıxılma səbəbi hələ ki, məlum deyil.

Oyununun 70-ci dəqiqəsində isə “Zirə”nin qapıçısı Anar Nəzirov ciddi xəsarət alıb. 33 yaşlı qolkiper rəqibin futbolçusu Mirabdulla Abbasovla toqquşub.

Hadisədən sonra qolkiperin dili qatlanıb. Anar Nəzirov həkimlərin müdaxiləsindən sonra özünə gəlib. O, xərəklə meydanı tərk edib. Qapıçının yerinə meydana Kamal Bayramov daxil olub. Hər iki klubun azarkeşləri A.Nəzirovu alqışlayıblar.

Oyundan öncə isə "Zirə"nin futbolçusu Dilan Duventuru isinmə hərəkətlərində əzələsini dartıb. Onu qarşılaşmada Kamal Mirzəyev əvəz edib.

Qeyd edək ki, oyun 2:2 hesabı ilə başa çatıb.