“Qarabağ” klubu əfsanəvi futbolçularından Reynaldo Silva ilə 2.5 illik müqavilə imzalayıb.

Axar.az xəbər verir ki, Reynaldo bu barədə “Qarabağ” klubunun rəsmi saytına danışıb.

O, karyerasının ən gözəl anlarını keçirdiyi kluba – “Qarabağ”a gəldiyi üçün çox xoşbəxt olduğunu bildirib:

“Evimə gəldiyim üçün xoşbəxtəm. Karyeramın ən gözəl anlarını burada keçirmişəm. Səbirsizliklə “Qarabağ” formasıyla yenidən meydana çıxmağımı gözləyirəm. Yaxşı formada olmağım üçün əlimdən gələni edəcəyəm. Klub rəhbərliyi, məşqçilər heyəti, azarkeşlər mənim üçün çox doğmadır. Bura komandaya fayda verməyə və “Qarabağ”la yeni uğurlar qazanmağa gəlmişəm”.

Qeyd edək ki, Reynaldo 2013-2016-cı illərdə “Qarabağ”ın heyətində 87 oyunda 43 qol vurub.