Axar.az
Yuxarı

Azərbaycan yığmasında kütləvi yoluxma...

Ana səhifə İdman
12 Punto 14 Punto 16 Punto 18 Punto

16:51

Azərbaycanın kişilərdən və qadınlardan ibarət milli yığma komanda heyəti 26 yanvar 2022-ci ildə Portuqaliyanın Almada şəhərində 28-30 yanvar 2022-ci ildə keçiriləcək Qran Pri turnirində iştirak etmək üçün adıçəkilən şəhərə yola düşüb.

Axar.az xəbər verir ki, səfərdən öncə Beynəlxalq Cüdo Federasiyasının (BCF) müəyyən etdiyi protokola uyğun olaraq, vaksin edilmiş heyət üzvlərindən bir dəfə, vaksin olunmamış heyət üzvlərindən isə (cəmi 3 nəfər) iki dəfə PCR testi götürülmüş, müvafiq sənədlər BCF-in elektron qeydiyyat sistemi üzərindən təşkilatçılara göndərilmiş və bütün müvafiq prosedurlar yerinə yetirildikdən sonra PCR test nəticələri neqativ çıxan heyət üzvləri Portuqaliyaya yola düşmüşlər.

BCF-in qaydalarına əsasən, iştirakçılar yarışın keçiriləcəyi yerə çatdıqdan sonra daha bir dəfə test verməlidirlər. Azərbaycan milli yığmasının üzvləri dünən Portuqaliyanın Almada şəhərinə çatdıqdan sonra onlardan bütün digər ölkələrdən olduğu kimi, yenidən PCR testi götürülüb. Təəssüf ki, Bakıda neqativ PCR nəticəsi olan bəzi heyət üzvlərimizdə bu dəfə pozitiv nəticə açıqlanıb.

BCF-in qaydalarına əsasən, pozitiv PCR nəticəsi olan heyət üzvləri yarışlara buraxılmır və ayrıca otaqlarda karantinə daxil edilir. Qeyd edək ki, hazırda pozitiv PCR nəticəsi olan milli komanda üzvləri Portuqaliya dövlət qaydalarına əsasən 7 günlük karantinə alınıblar.

Heyət üzvlərimiz özlərini yaxşı hiss edirlər, sağlamlıqlarında ciddi məsələ yoxdur və daimi həkim nəzarəti altındadırlar. Azərbaycan Cüdo Federasiyası onların müalicəsi üçün bütün lazımi tədbirləri həyata keçirir.

Qeyd edək ki, pozitiv PCR nəticələri tək Azərbaycanı təmsil edən idmançılarda deyil, digər ölkələrin idmançılarında da aşkar edilib və onlar da yarışlardan kənarlaşdırılıb.

Azərbaycan milli yığmasında pozitiv PCR testi olan heyət üzvlərinin sayı 2 (iki) nəfərdən çox olduğundan ilk testdə neqativ PCR nəticəsi olan təmsilçilərimizdən yenidən PCR testi götürülüb. Həmin testlərin nəticəsinə əsasən, sabahdan başlayacaq yarışlarda hansı təmsilçilərimizin mübarizə aparacağı dəqiqləşəcək. Bu məlumat bəlli olduqdan sonra adıçəkilən yarışda Azərbaycanı təmsil edəcək heyət üzvləri barədə ayrıca məlumat veriləcək.

Əlavə edək ki, daha əvvəl yayılan məlumatda nümayəndə heyətinin 5 üzvündə infeksiya aşkarlandığı, onların arasında məşqçi və idmançıların da olduğu bildirilib. Həmçinin, 9 nəfərin peyvənd olunmadığı iddia edilirdi.

Tarix
2022.01.27 / 17:30
Müəllif
Axar.az
Şərhlər
Memorial Zefer
Digər xəbərlər

Şəhriyar 3 heç-heçə, 1 məğlubiyyətlə başladı

Sabir Zeynalov Avropa üçüncüsü oldu

Avropa Liqasının qalibi bəlli oldu

Bakıda Tanrı kimi yaşayırsan - Byazi

Formula-1: Bakı Qran-prisində sprint yarışları keçirilə bilər

"Qarabağ" ÇL-ə Avstriyada hazırlaşacaq

Mbappe "Real"la müqaviləni razılaşdırdı, amma...

Gömrükçü Avropa çempionatında gümüş qazandı

Mahirin komandası Xorvatiya çempionu oldu

"Zirə" və "Qəbələ" UEFA Konfrans Liqasına vəsiqə qazandı

KULT
<>
Xəbər xətti
Axar.az'da reklam Bağla
Reklam
Bize yazin Bağla