Uşaqlar çalışdılar, zarafat deyil, Xorvatiya Avropanın ən güclü komandalarından biridir, heyətlərində ən güclü futbolçular yer alıb.

Axar.az xəbər verir ki, bu sözləri AFFA Prezidenti Rövnəq Abdullayev deyib.

Avro-2016-nın seçmə mərhələsi çərçivəsində baş tutan Azərbaycan – Xorvatiya oyunundan sonra (0:0) APA-ya açıqlama verən R.Abduallayev nəticədən məmnun qaldığını bildirib:

"Futbolçuları bu nəticəyə görə təbrik edirəm. Görüşdüm onlarla, hamısını təriflədim. Oyunçularla görüşəndə yenə tapşırdım ki, yaxşı futbol oynayın. Mən həyatımda ilk dəfə Xorvatiyadakı oyunun birinci hissəsində stadionu tərk eləmişdim.

Xorvatlar Bakıya çox arxayın gəlmişdilər, onlar fikirləşirdilər ki, yenə həmin hesab olacaq. Amma bizimkilər mübarizə apardılar və layiqli nəticə qazandılar".