“Real Madrid”in futbolçusu Arda Gülərin transferi ilə bağlı yeni məlumatlar yayılıb.

Axar.az Publika.az-a istinadən xəbər verir ki, Ardanın karyerasını İngiltərədə davam etdirəcəyi iddia edilib. İspaniya mətbuatının məlumatına görə, türk futbolçu "Mançester Yunayted"ə transfer ola bilər.

Xəbərdə deyilir ki, nəhəng komandada əsas heyətdə oynamaq istəyən Arda Gülər icarə variantına razılıq verib və “Mançester Yunayted”in təklifini qəbul edə bilər. İngiltərə komandasının bu transfer üçün “Real Madrid”ə 1,5 illik icarə təklifi irəli sürdüyü deyilir.

"Mançester Yunayted"də çıxış edən Luis Saha İngiltərə mətbuatına Arda Gülər haqqında açıqlamalar verib. Saha Ardanın yeni dəyişikliyə ehtiyacı olduğunu qeyd edib.