Rekordun qeydə alınması bizdən asılıdır. Sabah tarix yaza bilərik. Bunun üçün azarkeş sayı 33 mini keçməlidir.

Axar.az xəbər verir ki, bu sözləri AFFA-nın Baş katibi Elxan Məmmədov Report-a müsahibəsində bildirib.

"Sabah millimizin oyununa mümkün qədər çox azarkeş gəlməsini istəyirik. Azarkeşlərimiz komandaya dəstək olsunlar. Avropanın ən güclü komandaları hazırda Bakıdadır. Bizim üçün turnirdəki ilk oyun çox vacibdir. Amma çempionatda bundan əlavə ən azı daha 2 görüşümüz olacaq. Millimizə sona qədər dəstək olmaq lazımdır. Biz komandamıza inanırıq. Əsas odur ki, idmanı sevənlər də inanıb, futbolçularımızı tək buraxmasınlar. Sabah bizə 12-ci oyunçu lazımdır. Bu halda komandamız daha cəsarətli oyun göstərəcək", - baş katib qeyd edib.

Qeyd edək ki, mayın 5-də Azərbaycanda U-17 yaşlılar arasında futbol üzrə Avropa çempionatı start götürəcək.