Bu gün Avro-2016-da C qrupunda Almaniya və Ukrayna komandalarının oyunu ərəfəsində azarkeşlər arasında dava düşüb.

Axar.az xəbər verir ki, oyunun baş tutuduğu Lil şəhərində azarkeşlərin davasına səbəb almanlar olub. Sayca çox olan, 80-ə yaxın alman azarkeş kafedə oturub mahnı oxuyan ukraynalılara hücum edib. Baş verən qarşıdurmada ən azı iki ukraynalı azarkeşin xəsarət aldığı bildirilir. Polis gələnə qədər alman azarkeşlər aradan çıxıblar.

Hazırda Almaniya-Ukrayna oyunu davam edir və Almaniya millisi 1:0 öndədir.

Xatırladaq ki, analoji hadisə dünən İngiltərə-Rusiya matçınada da baş verib. UEFA hər iki ölkənin yığmasına xəbərdarlıq edib.