Bitkoin kriptovalyutasının dəyəri 29% ucuzlaşıb.

Axar.az xəbər verir ki, bu barədə informasiyanı “Coinmarketcap.com” saytı yayıb. Ucuzlaşmaya səbəb olaraq Bitkoinə rəqib olan digər kriptovalyuta “Bitkoin Keş”in populyarlığının artması göstərilib. Belə ki, “Bitkoin Keş” noyabrın 10-dan etibarən 40% artaraq 2478 dollara çatıb.

“Bitkoin Keş”in aktivliyi uzun müddət davam etməyib. O, tezliklə, 41,64% ucuzlaşaraq 1226,44 dollara qədər geriləyib.

“Bitkoin” isə keçən həftə qeydə alınan rekord göstəricini təkrarlaya bilməyib. Belə ki, hazırda onun dəyəri 6304,07 dollardır.

Qeyd edək ki, keçən həftə Bitkoin rekord həddə qədər bahalaşmışdı. Onun dəyəri 7882 dollar təşkil etmişdi.