Ana səhifə İqtisadiyyat |
Hazırkı dövrdə inkişaf təhsilə, elmə və texnologiyaya əsaslanan innovasiya iqtisadiyyatı üzərində qurulub.
Axar.az xəbər verir ki, iqtisadçı ekspert Qubad İbadoğlu dünyanın aparıcı şirkətlərinin son 10 ildə bazar dəyəri ilə bağlı maraqlı müqayisəsini təqdim edib. Ekspert bildirib ki, 2007-ci ildə “Qazprom”un bazar dəyəri 336 milyard dollar təşkil edirdisə, 10 ildən sonra 53 milyard dollara qədər azalıb:
“10 il əvvəl 37 milyard dollar bazar dəyəri olan “Amazon” hazırda 573 milyarda sahibdir. Bu siyahıda yer alan şirkətlərdən yalnız “Qazprom” 10 il ərzində bazar dəyərini 7 dəfəyədək itirib. Bu həm də Rusiyanın zəifləməsinin göstəricisidir”.
İqtisadçı alimin sözlərinə görə, bu dövrdə “Netflix” 1 milyarddan 82 milyarda, Feysbuk 15 milyarddan 525 milyarda, Əpl (Apple) 170 milyarddan 906 milyarda, Quql (Google) 216 milyarddan 753 milyarda, Maykrasoft 323 milyarddan 666 milyard dollaradək dəyər qazanıb.
Tarix
2017.12.22 / 14:29
|
Müəllif
Nigar İxtiyarqızı
|