"Ankara indiyə qədər bacardığı qədər Qərbin təzyiqinə qarşı mübarizə aparır".

Axar.az xəbər verir ki, bu açıqlama ilə rusiyalı politoloq Qriqori Trofimçuk öz Feysbuk səhifəsində çıxış edib.

O, 90-cı illərdə Türkiyə iqtisadiyyatının Rusiyanın hesabına qalxdığını bildirib:

"Rusiya-Türkiyə əlaqələrində ilk dəfə 2008-ci ildə Ankaranın Moskva ilə əməkdaşlığın onun üçün nə qədər əhəmiyyətli olduğunu görməsindən sonra sıçrayış olub. Bu inkişaf Ankaranın Cənubi Qafqazdakı şəxsi mövqeyi ilə əlaqədar idi. Bir neçə il əvvəl Qərb Türkiyəni Suriyadakı müharibəyə sürükləməyə başladı. Ankara indiyə qədər bacardığı qədər bu təzyiqə qarşı mübarizə aparır. Bu siyasətdir. Amma bütün iqtisadiyyat sırf olaraq siyasətdən asılıdır. Bu fonda onu demək olar ki, Rusiya ilə əməkdaşlıq Türkiyənin bütün mənalarda yeganə mümkün olan çıxışıdır. Unutmaq lazım deyil ki, 90-cı illərdə Türkiyə iqtisadiyyatı Rusiyanın hesabına qalxıb. Özünün Avropa İttifaqındakı partnyorlarından Türkiyə hələ də konkret heç nə görmür. Əvvəlki kimi Ankaranı bu təşkilatın qapıları ağzında saxlayıblar. Ona görə də indi ikitərəfli proyektlərin geniş spektrdə reallaşdırılması üçün vaxt çatıb. Ümid etməyə dəyər ki, Rusiya-Türkiyə mövzusuna yönəlmiş yeni informasiya axını boş yerə deyil".