Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Noyabr 2019


Bankların qanunsuzluğu: 500 avro “gəlir yerinə” çevrilib

Ana səhifə İqtisadiyyat
12 Punto 14 Punto 16 Punto 18 Punto

Bu gün banklarımızda 500 avroluq əsginazın götürülməməsi bir müddət əvvəl Avropa Mərkəzi Bankının zamanla 500 avroluq əsginazı dövriyyədən çıxaracağı ilə bağlı verdiyi açıqlamadan irəli gəlir. Ancaq bunun heç bir qanuni əsası yoxdur.

Bu sözləri Axar.az-a iqtisadçı ekspert Natiq Cəfərli son günlər ölkədə fəaliyyət göstərən əksər bankların 500 avroluq əsginazı götürməkdən imtina etməsi və bunun səbəbləri ilə bağlı danışarkən deyib.

Ekspert bildirib ki, hələ 500 avroluq əsginazın dövriyyədən yığışdırılması prosesi başlamayıb:

“Bir müddət əvvəl Avropa Mərkəzi Bankının açıqlaması olmuşdu ki, yavaş-yavaş 500 avroluq əsginaz dövriyyədən yığışdırılır. Yerli bankların atdığı addım da bununla əlaqədar ola bilər. Ancaq hələ bu proses başlamayıb. Bu, 10 ilə də ola bilər, 15 ilə də. Yəni sonuncu 500 avro Avropa Mərkəzi Bankına daxil olana qədər heç bir məhdudiyyət qoyulmadan dövriyyədə olacaq.

Sadəcə, artıq 500 avro əsginazların yeniləri buraxılmır artıq. Həmçinin banka daxil olanlar da yenidən dövriyyəyə buraxılmır”.

N.Cəfərli bildirib ki, hazırda bəzi yerli banklar bu əsginazı əlavə rüsum qarşılığında qəbul edir:

“Azərbaycanda bu pulların banklar tərəfindən qəbul edilməməsi və götürülməməsinin heç bir əsası yoxdur. Bu, süni şəkildə yaradılmış bir əngəldir. Hesab edirəm ki, bankların əksəriyyəti bunu həmin pulların dəyişdirilməsi və xırdalanması zamanı əlavə qeyri-qanuni gəlir üçün edir. Yəni bir ajiotaj yaransın ki, 500 avroluq əsginazlar daha işləmir və onları banklarda qəbul elətdirmək üçün ya aşağı kursla qəbul edib daha çox pul qazansınlar, ya da vətəndaşlardan əlavə rüsum tələb etsinlər”.

İqtisadçı bildirib ki, bu hal qeyri-qanuni olsa da, artıq bəzi banklarda 500 avroluq əsginazlar daha aşağı məzənnə ilə dəyişdirilir və ya xırdalanması üçün əlavə vəsait tələb olunur.

Tarix
2019.07.04 / 13:04
Müəllif
Nigar İxtiyarqızı
Şərhlər
Digər xəbərlər

Maliyyə Nazirliyi: AİB-lə diaqnostik tədqiqat müzakirəsi...

Müflisləşən bank əmanəti vermir, krediti isə alır

Dolların bugünkü məzənnəsi

Mərkəzi Bank yeni məzənnəni açıqladı

"Brent" bahalaşdı, yüngül neft isə... - Son qiymət

Azərbaycan Rusiyadan taxıl idxalını 3 dəfə artırdı

Büdcəmizdə 840 milyon manat qalıq yarandı

Kapital Bank Naxçıvandakı filiallarını yeniləməyə davam edir

Dolların bugünkü məzənnəsi

Əliyev və Ərdoğan TANAP-ı işə salacaq

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla