"BP Azərbaycan" şirkətində 105 yerli və 150 xarici işçi ixtisar edilib.

Axar.az xəbər verir ki, aparılan ixtisarlar ümumilikdə işçilərin 7,8 faizinə təsir edəcək.

Neft nəhəngi BP-nin ("British Petroleum") Londondakı qərargahından "BBC Azərbaycanca"ya verilən məlumata görə, ixtisarlar neft istehsalı əməliyyatlarında iştirak edən işçilərə deyil, daha çox ofis işçilərinə təsir edəcək.

"Yəqin ki, bundan sonra daha bir kütləvi işdən çıxarılmalar dalğası olmayacaq", - BP mətbuat xidmətindən Robert Vayn deyib.

Şirkət bildirib ki, ixtisarlar Azərbaycanın müvafiq qanunvericiliyinə, o cümlədən "BP-Azərbaycan" şirkətinin Davranış Kodeksinə uyğun şəkildə aparılıb.

Ötən ay BP bəyan etmişdi ki, 2015-ci il ərzində şirkət strukturun dəyişilməsinə - yəni ixtisarlara 1 milyard dollar və bunun Azərbaycana da təsiri olacaq.