"Avropaya qazın ötürülməsi problemini həll etmək üçün Avrokomissiya Azərbaycan və Türkmənistan kimi ölkələrlə müqavilə imzalamağa hazırdır".

Axar.az Rosbalt.ru-ya istinadən xəbər verir ki, bu barədə informasiyanı "Spiegel Online" yayıb.

Məlumatda Avropa Birliyinin Bakı və Aşqabadla cari ildə qarşılıqlı anlaşma haqqında memorandum imzalayacağı bildirilib:

"Məhz bu memorandum Avropanın təbii qazla təchiz edilməsində stabilliyin təkmilləşdirilməsi ilə bağlı paketin bir hissəsi olacaq. Avropa İttifaqı bu paketi 2016-cı ilə qədər hazırlamaq niyyətindədir. Avropa Birliyi xarici siyasətdəki imkanlarından istifadə edərək, neft hasil edən və tranzit rolunu oynaya ölkələrlə strateji-enerji tərəfdaşlığını gücləndirmək istəyir. Bu sıraya Əlcəzair, Türkiyə, Azərbaycan, Türkmənistan, Yaxın Şərq və bir neçə Afrika dövləti aiddir. Hazırlanan yeni layihə Norveç, ABŞ və Kanada ilə partnyorluğu da aktivləşdirəcək".