Axar.az
Yuxarı

“Türk axını” ətrafında baş verənlər oyundur”

Ana səhifə İqtisadiyyat
12 Punto 14 Punto 16 Punto 18 Punto

"Türk axını" ətrafındakı son baş verənlərin regionda sadəcə yeni bir geosiyası oyuna hazırlıq olduğu istisna edilmir".

Axar.az xəbər verir ki, bu haqda iqtisadçı ekspert Vüqar Bayramov açıqlama verib. Onun sözlərinə görə, ciddi maliyyə sıxıntısı içərisində çabalayan rəsmi Afina bu məsələdə Qərbin ona tanıdığı "sərhədlər" daxilində manevr etməyə çalışacaq:

"Son dövrlər heç də bütün hallarda beynəlxalq öhdəliklərə sadiq qalmayan Yunanıstanın "Moskva sevgisinin" sonadək davam edəcəyini proqnozlaşdırmaq çətindir. Yunanıstan ilə Rusiya arasındakı anlaşma indiki halda hər iki tərəf üçün sərfəli görünür. Afina bununla potensial maliyyə cəlb etməyə çalışmaqla yanaşı, Rusiyanın bir sıra aparıcı dövlət şirkətlərini özəlləşdirməsinə əsas olmayan payçı kimi cəlb etməyə çalışacağı da istisna deyil. Sanksiyalardan əziyyət çəkən rəsmi Moskva isə son anlaşma ilə Avropa bazarına çıxışını gücləndirməyə çalışır. Avropa Birliyi də son anlaşmaya hələlik ciddi reaksiya vermir. Çünki rəsmi Brüssel bununla digər regional layihələrə, xüsusən də TANAP və TAP-a alternativin olduğunu nümayiş etdirməklə Xəzər regionunda özü üçün daha məqbul şərtlər ilə möhkəmlənməyə üstünlük verir. TAP layihəsi ətrafında Avropanın bir sıra ölkələrində səsləndirilən son spekulyativ bəyanatlar da məhz buna hesablanıb".

İqtisadçı bildirib ki, Yunanıstan sadəcə Brüsselin deyil, eləcə də borclu olduğu beynəlxalq maliyyə qurumlarını nəzarətdə saxlayan Vaşinqtonun da rəyini nəzərə almalıdır:

"Mövcud oyun qaydalarına uyğun olaraq Rusiya Cənubi Avropa bazarına daha real şəkildə daxil olan zaman Vaşinqtonun bu məsələdə ciddi təzyiqinin müşahidə ediləcəyi gözlənilir. Əslində, mövcud geosiyasi və geoekonomik faktorları nəzərə aldıqda TAP Avropa üçün daha əlverişli və səmərəlidir. Əvvəla, kəmər Rusiyadan kənar keçdiyi üçün avropalılara "Qazprom"un dominatlığını zəiflətməyə yardım edir. İkincisi, yalnız Xəzəryanı ölkələrin deyil, eyni zamanda, İraqın da kəmərə qoşulması imkanları Avropaya qaz nəqlini fasiləsiz və rentabelli edir.

Üçüncüsü, TAP-ın illik ötürmə qabiliyyəti 60 milyard kub metrədək artırıla bilər ki, bu da Mərkəzi-Şərqi Avropa ölkələrindən Bolqarıstan ilə yanaşı digər dövlətlərin də daxili şəbəkə vasitəsi ilə layihədən faydalanmasına və "Qazprom" asıllığını azaltmasına imkan verəcək. Bu ayın əvvəlində Bakıda təşkil edilən Beynəlxalq Neft-Qaz sərgisində Azərbaycan Prezidenti TAP ətrafındakı müzakirələrə çox doğru qiymət verərək layihənin reallaşmayacağı təqdirdə bütün tərəflərin uduzacağını bildirdi. Sözsüz ki, bu reallıq Qərbdə də dəyərləndirilir. Deməli, "Türk axını" ətrafındakı son gəlişmələrin regionda sadəcə yeni bir geosiyası oyuna hazırlıq olduğu istisna edilmir".

Tarix
2015.06.20 / 16:51
Müəllif
Aygün Yusibova
Şərhlər
Digər xəbərlər

Neft həftəni bu qiymətlə yekunlaşdırdı

Ölkəmizin valyuta ehtiyatları 53 milyard dolları keçdi

Taksi ilə gediş haqqına 10% endirim!

Kapital Bank sərfəli ipoteka krediti təklif edir

Neft ucuzlaşdı

Dolların bu günə olan məzənnəsi

Aİ ölkələrinə 790 milyon manatlıq məhsul göndərildi

Kapital Bank-ın korporativ hesab ödənişləri “MilliÖn”də

Kapital Bank “Sürətli tender” limitini bir qədər də artırdı

Rəqəmlər "qarışdı": Bakı Aİ-95-i hardan və niyə baha alır?

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla