"Lukoil" Xəzərdə qaz yataqlarının işlənməsini rentabelli olmaması üzündən təxirə salır.

Axar.az xəbər verir ki, bu barədə şirkətin vitse-prezidenti Leonid Fedun açıqlama verib.

O bildirib ki, 2017-ci ilə kimi Xəzərdə geoloji kəşfiyyat fəaliyyətinə "Lukoil" 22 milyard rubl xərcləməyi nəzərdə tutur:

"Lukoil" şirkətinin Xəzərdə 8 neft-qaz layihəsi var. 2010-cu ildə şirkət Xəzərdə Korçaqin adına yataqda neft hasilatına başlayıb. İkinci ən böyük neft layihəsi - Filanoski adına neft yatağının 2016-cı ilin sonunda istismara verilməsi nəzərdə tutulur. 2017-ci ilə kimi Xəzərdə geoloji kəşfiyyat fəaliyyətinə "Lukoil" 22 milyard rubl xərcləməyi nəzərdə tutur. Qaza xərclənməsi nəzərdə tutulan vəsait neftə yönəldiləcək. Rakuşeçnoya yatağının (ehtiyatları 15 milyon ton neft) istismara verilməsi 2029-cu ildən 2021-ci ilə keçirilib".

"Lukoil" şirkətinə yaxın mənbə xəbər verir ki, şirkət "Xvalınsk" (ehtiyatları 332 milyard kubmetr qaz və 18 milyon ton kondensat), "Kuvıkina" (160 milyard kub metr qaz və 107 milyon barrel kondensat) və "107-ci kilometr" yataqlarının işlənməsini təxirə salır.

Qeyd edək ki, "Kuvıkina" yatağında hasilata 2018-ci ildə, "Xvallinsk" yatağında isə 2019-cu ildə başlamaq nəzərdə tutulurdu. 2014-cü ildə şirkətin prezidenti Vahid Ələkbərov demişdi ki, "Lukoil"in "Qazprom" şirkətinin sisteminə yönəlmiş xüsusi qaz nəqletmə sistemi olacaq. Onların xammalının "Stavrolen" ("Lukoil" şirkətinin neft-kimya müəssisəsi) zavoduna tədarükü nəzərdə tutulmur.