Axar.az
Yuxarı

Manatla bağlı mühüm açıqlama

Ana səhifə İqtisadiyyat
12 Punto 14 Punto 16 Punto 18 Punto

Manatın məzənnəsi hazırda daha çox neftdən asılıdır.

Bu sözləri Axar.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov deyib. Deputat bildirib ki, hazırda manatın məzənnəsi qorunub saxlanılır:

"Mərkəzi Bank, Maliyyə Bazarlarına Nəzarət Palatası bu sahəyə çox ciddi nəzarət edirlər. Əlbəttə, neftin qiyməti kəskin aşağı düşərsə, hardasa 30-40 dollar olarsa, bu, manatın məzənnəsinə təsir edə bilər. Ancaq hesab edirəm ki, manat maliyyə bazarında öz həqiqi qiymətini ala da bilər. Manatın real qiyməti alınmalıdır ki, Azərbaycan iqtisadiyyatında ciddi problemlər yaşanmasın. Bunun üçün də manatı yavaş-yavaş yumşaq şəkildə buraxmaq lazımdır. İndiki vəziyyətdə olmasa da, ancaq buna getmək vacibdir".

Millət vəkili hələ bir müddət neftin qiymətinin 50 dolları ötəcəyini gözləmədiyini deyib:

"Neftin qiyməti 50 dollar səviyyəsində olsa da, müəyyən enmələr də baş verə bilər. Çünki iyunda ABŞ-ın Federal Ehtiyatlar Sistemi (FES) dolların uçot dərəcəsinə baxacaq, o cümlədən İran dünya bazarında neft hasilatını yenə kəskin artırıb. Bu kimi bəzi problemlər qalmaqdadır. Bu düzdür ki, manata təsir göstərən ən əsas amil neftdir. Açığı, hələ ki, neftin bahalaşacağını gözləmirəm".

Azərbaycan Mərkəzi Bankının (AMB) sədri Elman Rüstəmov bildirib ki, ABŞ Federal Ehtiyat Sisteminin (FES) uçot dərəcəsini artırması Azərbaycanın maliyyə bazarına və manatın məzənnəsinə təsir etməyəcək. O, hesab edir ki, manatın ABŞ dollarına nisbətdə məzənnəsinə təsir edən fundamental faktor neftin qiymətidir.

FES-in növbəti toplantısının iyunda olacağı gözlənilir.

Tarix
2016.05.27 / 08:15
Müəllif
Aygün Yusibova
Şərhlər
Digər xəbərlər

Şuşaya qar yağdı - Video

NK azad olunmuş ərazilərin bərpasını müzakirə etdi

24 minə yaxın əmanətçiyə kompensasiya ödənildi

Neft həftəni bu qiymətlə yekunlaşdırdı

Pandemiya “Qara cümə”ni də vurdu - Ekspert

Azərbaycan və İspaniya arasında memorandum imzalandı

Neft ucuzlaşdı

Dolların bu günə olan məzənnəsi

Dünya Bankı Azərbaycanda bu layihənin müddətini uzatdı

Kapital Bank filiallarında ASAN İmza almaq mümkün oldu

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla