“Sağlamlıq həftəsi”nin ikinci günündə Marağa şəhərində “Sağlam qida” festivalı keçirilib.

Kult.az “Yolpres”ə istinadla xəbər verir ki, festivalda Marağa və ətraf kəndərdən olan 140 qadın iştirak edib. Festival iştirakçıları əsasən yerli mətbəxdən 60 növ yemək təqdim ediblər.

Bişirilən yeməklər əsasən müxtəlif şorbalar, piti, küftə, kükü və dolmadan ibarət olub. Yeməklərdə ən çox təbii dağ bitkiləri, o cümlədən, qartərəsi, kəngər, qaziayağı və s. istifadə olunub.

Festivalın təşkilatçısı olan Marağa Tibb Universitetinin sağlıq məsələləri üzrə prorektoru Əhməd Müctehidi festivalın keçirilməsində əsas məqsədin sağlam yerli yeməklərin xalq arasinda tanıdılması olduğunu bildirib. Onun sözlərinə görə, “sağlam yemək” deyəndə əsas ölçü vahidi bitkilər, paxlagillər və taxil məhsullarından istifadə edilərək hazırlanan yeməklər nəzərdə tutulur. O, həmçinin, əlavə edib ki, sağlam qidada şəkər, duz və yağdan az istifadə olunmalıdı.

Festivalın sonunda iştirakçılardan 10 nəfərə mükafatlar təqdim olunub.