İyunun 6-da Miniatür Kitab Muzeyində "Ernesto Çe Gevaranın Fidel Kastroya vida məktubu" adlı miniatür kitabının təqdimatı keçirilib.

Miniatür Kitab Muzeyinin təsisçisi və yaradıcısı, Respublika "Kitab" Cəmiyyəti idarə heyətinin sədri, Əməkdar İncəsənət Xadimi Zərifə Salahova təqdimatı keçirilən kitab haqqında məlumat verib.

Diqqətə çatdırılmışdır ki, argentinalı inqilabçı və siyasətçi Ernesto Çe Gevara görkəmli siyasi xadim Fidel Kastro ilə birlikdə Kuba və beynəlxalq inqilab hərəkatının rəhbərlərindən olub.

Bildirilmişdir ki, miniatür kitab 40x45 mm ölçüdə, ispan, rus və ingilis dillərində "İndiqo" mətbəəsində nəşr edilmişdir. Miniatür kitabın forzasında Kubanın bayrağı təsvir olunub. Ümumilikdə 130 səhifədən ibarət bu nəşrdə 20 ədəd ağ-qara fotoşəkil yer alıb. /AzərTac/