İki ulduzun - Elizabet Teylor və Riçard Bartonun nikahı xəyanət üzündən iflasa uğrayıb.

Axar.az xəbər verir ki, nadir sənəd – Elizabet Teylorun ərinə ünvanladığı sevgi məktubu ictimailəşdirilib. Ulduz xanımın bu məktubunu öz nikahını qorumaq üçün etdiyi cəhd kimi də qəbul etmək olar. Teylorun sevgisini sətirlərə düzdüyü bu bir parça kağız auksiona çıxarılıb, ilkin qiyməti isə 35 min funt sterlinq olub.

Məşhur çütlüyün ayrlığına sayılı aylar qalmış yazılan məktubda qadının sevimli həyat yoldaşı Riçard Bartona qarşı qəlbində yaşatdığı məhəbbət və ehtirasın bütün incəliklərini duymaq mümkündür.

"Ah, mən səni necə sevdiyimdən, necə qorxduğumdan, sənlə olarkən duyduğun məmnunluqdan, səni necə qısqandığımdan və bəzən sadəcə nifrət etdiyimdən elə danışmaq istəyirəm ki! - Teylor yazır. - Sevdiyimi sənə yazmaq istəyirəm, ancaq bacarmıram, mən sadəcə içimdən qaynayıram və bütün qəlbimlə inanıram ki, sən mənim ürəyimdə nələr baş verdiyini görürsən və məni anlayırsan. Hər necə olsa da, mən səni istəyirəm. Sənin (hələ ki) arvadın.

P.S. Gəl, bir daha bir-birimizi varlıq kimi qəbul etməyək.

P.P.S. Sən bir fikirləş – on il!"

Məktuba 15 mart 1974-cü il tarixi qoyulub. Məhz həmin gün, lakin düz on il əvvəl ər-arvad biri-birilərinə sədaqət andı içmişdilər. Onlar ilk dəfə "Kleopatra"nın çəkilişlərində qarşılaşmış və bir il sonra evlənmişdilər. Lakin Riçard arvadına - bütün dünyanın arzusunda olduğu qadına həmişə xəyanət edirdi. Elə məhz xəyanət üzündən də sonucda iki ulduzun nikahı dağılır. Fəqət ölmüş ehtirasları diriltməyin ikinci şansı özünü doğrultmur. 1976-cl ildə onlar həmişəlik ayrılırlar.