Dekabrın 21-də Azərbaycanın tanınmış şairəsi Nurəngiz Gün Yasamal qəbiristanlığında dəfn edilib.

Axar.az xəbər verir ki, şairənin dəfnində millət vəkilləri, yazıçı və şairlər, ziyalılar iştirak edib. Xalq yazıçısı Anar, Xalq şairi Sabir Rüstəmxanlı və Yazıçılar Birliyinin katibləri vida sözü deyiblər. Daha sonra şairənin qızı, millət vəkili Jalə Əliyeva anası haqqında danışıb, onun Azərbaycan ədəbiyyatı və özü üçün dəyərini bildirib.

Qeyd edək ki, 1938-ci ildə Bakıda anadan olan Nurəhgiz Gün dekabrın 20-də uzun sürən xəstəlikdən sonra dünyasını dəyişmişdi.

Mərhumənin 3 mərasimi dekabrın 22-də, Təzəpir məscidində keçiriləcək.