Mənim səhhətimlə maraqlandığınız üçün təşəkkür edirəm. Hazırda yaxşıyam, narahat olmağa heç bir səbəb yoxdur.

Kult.az xəbər verir ki, bu sözləri dünya şöhrətli aktyor Ceki Çan yeni tip koronavirus epidemiyasına (Kovid-19) yoluxması ilə bağlı yayılan xəbərlərə münasibət bildirərkən deyib.

“Xahiş edirəm, mənim üçün narahat olmayın, karantində deyiləm. Səhhətimdə hər şey qaydasındadır, ümid edirəm ki, bu virusun öhdəsindən gələcəyik və hamı sağlam qalacaq”, - aktyor bildirib.

Qeyd edək ki, tanınmış çinli aktyor Ceki Çanın yeni tip koronavirus epidemiyasına (Kovid-19) yoluxduğu barədə məlumatlar yayılmışdı.