Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
5 İyun 2020


Azərbaycanlı gənc Çində ilin ən yaxşı müəllimi seçildi

Ana səhifə Kult
12 Punto 14 Punto 16 Punto 18 Punto

Pekin Xarici Dillər Universitetinin (PXDU) Azərbaycan dili kafedrasının müdiri, filologiya üzrə fəlsəfə doktoru Aqşin Əliyev 2019-cu il üzrə Çində ən yaxşı xarici müəllim seçilib.

Kult.az xəbər verir ki, Çin Elm və Texnologiya Nazirliyinin, Çin Qlobal İstedadlar Mübadiləsi Assosiasiyasının və “Beynəlxalq istedadlar” jurnalının birgə qiymətləndirməsi əsasında 2019-cu il üçün Çinin ən yaxşı on xarici müəllimi kateqoriyası üzrə mükafatçıları məlum olub. Aqşin Əliyevin liderlik etdiyi siyahıdakı əcnəbi müəllimlər Çində pedaqoji sahədəki səmərəli fəaliyyəti, Çin elminə töhfələri, Çin və təmsil etdiyi ölkə arasında təhsil və elm sahəsində əlaqələrin inkişafındakı xidmətləri, Çin və təmsil etdiyi ölkənin mədəniyyət mübadiləsindəki fəallığı ilə seçilənlərdir. Müsabiqənin məqsədi Çinə xaricdən daha güclü kadrların cəlb olunmasını, Çin ilə digər ölkələr arasında elmi, təhsil, mədəni əlaqələrin dərinləşdirilməsini təşviq etməkdir. İldə bir dəfə keçirilən müsabiqə 2011-ci ildən təşkil olunur.

Qeyd edək ki, Aqşin Əliyev 2005-ci ildə Şanxay Universitetində Çin dilinin tədrisi ixtisası üzrə bakalavr, 2008-ci ildə isə Çin dilinin filologiyası ixtisası üzrə magistr təhsili alıb. 2013-cü ildə Şərqi Çin Pedaqoji Universitetində “Müasir Çin dilində reduplikativ sifətlərin müvafiq problemləri” doktorluq dissertasiyasını müdafiə edib və Şanxay Pedaqoji Universitetində post-doktorantura təhsil səviyyəsinə daxil olaraq, “Çincə-Azərbaycanca lüğət və onun nəzəri əsasları” elmi işini tamamlayıb. A.Əliyev 2016-cı ildə Azərbaycan dili ixtisası üzrə tədrisin təşkili məqsədi ilə Pekin Xarici Dillər Universitetinə dəvət olunub. Hazırda PXDU-da Azərbaycan dili kafedrasının müdiri olan gənc alim, bundan başqa universitetin regionşünaslıq kafedrasının tədqiqatçısı, Çin Sosial Elmlər Akademiyasının dəvətli alimi, “Bir kəmər, bir yol” Gənc Çinşünaslar Alyansının sədr müavini, Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun Çin üzrə əlaqələndiricisi, Çin Tərcümə Şəbəkəsinin aparıcı məsləhətçisi kimi fəaliyyətini davam etdirir.

Tarix
2020.05.11 / 23:12
Müəllif
Kult.az
Şərhlər
Digər xəbərlər

12 əsrlik qalaya yol çəkilir - Video

Şamaxıda Saqiyan kəndi: adı erməni mənşəlidir?

Maskalar düşür: Qərb cəbhəsində nələr yaşanır?

Mir Şahin AzTV-nin “Ağ-Qara”sını 4 dəqiqəyə dağıtdı - Video

Arif Məlikovun qəbirüstü abidəsi ucaldıldı - Foto

Qənirə Paşayeva 500 şagirdə kitab hədiyyə etdi

Azərbaycanda tikinti zamanı qədim əşyalar tapıldı

Paşayeva müğənninin evinə getdi, sonra isə... – Foto

Bakıya hücum: Ənvər Paşa niyə çapar göndərdi?

Erməni arxitektordan etiraf: İrəvan bizim deyil! - Video

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla