I Avropa Oyunlarında on minlərlə könüllü iştirak edəcək. İştirak edən könüllərin demək olar ki, əksəriyyəti tələbələrdir. Dünən sosial şəbəkələrdə universitet tələbələrinin hədə-qorxu ilə könüllülər sırasına cəlb edilməsinə dair məlumatlar yayılıb. Sözügedən universitetlər arasında Azərbaycan Dövlət Mədəniyyət və İncəsənət Universitetinin də adı çəkilib.

Universitetdən Axar.az-a verilən məlumata görə, yayılan xəbərlər həqiqətə uyğun deyil.

Azərbaycan Dövlət Mədəniyyət və İncəsənət Universitetinin dekanı Raifə Səfərova belə deyib: "Biz heç bir tələbəni məcbur etməmişik. Tələbələrə iştirakla bağlı təklif verildi və onlar da könüllülər sırasına qoşuldu".

Qeyd edək ki, sosial şəbəkələrdə tələbələrin Avropa Oyunlarında könüllü olmayacaqları təqdirdə universitetdən qovacağı ilə bağlı xəbərlər yayılmışdı.