Ana səhifə Kult |
Əfsanəvi musiqiçi Cimmi Hendriksin 1960-cı illərin ortasında Londonda yaşadığı evdən qovulduğu ortaya çıxıb. Evin sahibi isə "The Beatles" (Bitlz) qrupunun zərbçisi Rinqo Star olub.
Axar.az xəbər verir ki, 1966-cı ildə Rinqo Stardan Londondakı evini kirayə götürən Cimmi Hendriks evdə öz sevgilisi və dostları ilə yaşayıb: xanımı Keti Etçinqam, meneceri Çes Çendler və onun sevgilisi Lotta Null.
Evin kirayə pulu 30 sterlinq olub.
1967-ci ilin mart ayında "Purple Haze" albomu işıq üzü görəndə Hendriks bu evdə yaşayırdı. Sevgilisi Keti ilə dalaşdıqdan sonra bəstələdiyi "The wind cries Mary" (Ketinin ikinci adı Meri idi) adlı mahnısını da bu evdə yazıb.
Eyni dövrdə narkotik maddələrdən istifadə etməyə başlayan musiqiçi evin divarlarını boyayır.
Bu səbəbdən səbir kasası daşan Rinqo Star əfsanəvi musiqiçini öz evindən qovur.
Bir müddət sonra bu evə Con Lennonla sevgilisi Yoko Ona köçür. Üç ay burda yaşayan cütlüyün bütün dünyada məşhur olan çılpaq fotoları burda çəkilib. Xatırladaq ki, həmin foto Lennonun "Two Virgins" albomunun üz qabığı olub.
Tarix
2015.04.23 / 01:36
|
Müəllif
Rəfiqə Əlisəfa
|