Axar.az
Yuxarı

Axar.Az Logo

Kastronun tapşırığını pozub, Gevara ilə görüşən Fikrət…

Ana səhifə Kult
12 Punto 14 Punto 16 Punto 18 Punto

5 may 2021-ci ildə xalq şairi Fikrət Qoca rəhmətə gedib. Onun haqqında çoxlu yazılar, müsahibələr var. Lakin çox az adam bilir ki, Fikrət Qocanı Kubada da seviblər. Onun şeirlərini orda tərcümə ediblər və haqqında Fidel Kastro da məlumatlı olub.

F.Qoca dünyanın bir çox ölkəsində yaradıcılıq səfərlərində olub, həmin ölkələrdə gedən milli azadlıq hərəkatlarına şeirlər həsr edib, o cümlədən Kubanın azadlıq mübarizi Ernesto Çe Gevara (“Ünvansız məktublar”) poemasını da yazıb.

1968-ci ildə Kubada Azərbaycan mədəniyyəti günləri keçirilir və 10 gün davam edən tədbirdə iştirak edən yazıçılarımız arasında Fikrət Qoca da olub. O, bu siyahıya SSRİ Yazıçılar Bilriyinə yazdığı məktuba görə düşür. Məktubda o, Latın Amerikasındakı azadlıq hərəkatının liderlərindən olan Ernesto Çe Gevara haqqında poema yazmaq istəyini bildirir və o zaman SSRİ Yazıçılar Birlyinin daxilində olan xarici komissiya bu məktuba baxır və müsbət qərar verir. Buna görə də onu Kuba səfərinə dəvət edirlər.

Səfərdən sonra Bakıya qayıdan Fikrət Qoca sözügedən poemanı yazır və xüsusi komissiyaya göndərir. Poema sovet ideoloqları tərəfindən müsbət qəbul edilir və onun bir neçə nüsxəsi Havanaya göndərilir. Burada poema tərcümə edilir və yerli qəzetlərdə bu barədə yazı gedir.

Fikrət Qocanın kitabı Çe Gevaranın ailəsinə də təqdim edilir. Tanınmış inqliabçının ailəsi adından Moskvaya təşəkkür məktubu da ünvanlanır və onunla tanış olmaq istəyi ifadə edilir. Sovet Yazıçılar Birliyi Kubaya gedərək Çe Gevaranın ailəsi ilə görüşmək və ölkə barədə ətraflı məlumat almaq üçün Fikrət Qocanı Kubaya bir aylıq ezamiyyətə göndərir. O, burada bütün ölkəni gəzərək çıxışlar etməklə yanaşı, inqilabla hakimiyyətə gələn kubalılar barədə ətraflı məlumatlar toplayır. Sovet təbliğatı üçün lazım olan materiallar toplamaqla yanaşı, Fikrət Qoca Çe Gevaranın ailəsi ilə görüşmək üçün cəhdlər edir. Fidel Kastronun kəskin təndqidçisi olan Çe Gevaranın kiçik bacısı Celianın nömrəsinə bir neçə dəfə zəng etməsinə baxmayaraq, ona məlumat verilər ki, bəs Çenin ailəsi hazırda Kubada deyil. Fidel Kastro tapşırıq veribmiş ki, Çenin ailəsi ilə heç kim görüşməsin.

Lakin Fikrət Qoca inadından dönmür və tərcüməçi vasitəsilə inqilabçının kiçik bacısı Celia Gevara ilə əlaqə yarada bilir və gizli qalması şərtilə görüş baş tutur. Oğlu ilə birlikdə Çenin bacısı Celia hava limanının otelində onunla görüşür. Görüş zamanı şairə poema barəsində təşəkkür edən Celia Gevara Fidel Kastronun ona və ailəsinə baxmadığını, qardaşının adının tarixdən silinməsi üçün dövlət başçısının siyasət yeritdiyini bildirir və xahiş edir ki, bu barədə Moskvaya məlumat verilsin. Poeması barədə Çenin bacısına məlumat verən Fikrət Qoca görüş zamanı Azərbaycan haqqında da ona danışır.

Fikrət Qoca Celianın bu müraciətini Moskvaya çatdırırmı?

Məlum deyil, amma çatdırmaması mümkün deyildi…

Tarix
2021.05.06 / 13:55
Müəllif
Zaur Əliyev
Şərhlər
Digər xəbərlər

Bu imzalanmanın Şuşada baş verməsi...

Ərdoğan MM-də Bəxtiyar Vahabzadənin şeirini söylədi

Əliağa Vahidlə bağlı möhtəşəm iş - Foto

Ermənilərin "qorxulu yuxu"su: Ordularımız da birləşdi!

Türkiyədə 1800 yaşlı qadın heykəli tapıldı

Qənirə Paşayeva ziyalılarla müzakirə apardı

Prezident sərəncam imzaladı, nazir mükafatları təqdim etdi

Teatrların açılması ilə bağlı nazirdən mühüm açıqlama

Drakon: “Dolu”nun son səhnəsi gerçək oldu – Video

Osmanlı sultanlarının məktubları yoxa çıxdı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla