Ana səhifə Kult |
Məni "həvəskar müğənni" kimi təqdim etməkdə haqlı idilər.
Bu sözləri xalq artisti Flora Kərimova 1958-ci ilə aid bir konsertdə "həvəskar müğənni" kimi təqdim edilməsindən danışarkən Axar.az-a deyib. Flora xanımın sözlərinə görə, həmin mahnını 13-14 yaşı olarkən oxuyub. Onun sözlərinə görə, tarix səhv göstərilib:
"Səhv yazıblar, mənim Rəşid Behbudovla eyni səhnəni bölüşüb, ərəb mahnısı ifa etdiyim il 1958-ci il deyildi, daha əvvəl idi. Orada mənə "həvəskar müğənni" deməkdə haqlıdırlar, təəccüb eləmək lazım deyil, çünki mən özfəaliyyətdən gəldim professional səhnəyə. 13 yaşımdan oxuyuram. Elə o ərəb mahnısını ifa edəndə də 13-14 yaşım vardı – səhnəyə təzə gəlmişdim. Dahi Rəşid Behbudov mənim haqqımda yüksək fikirlər söyləyəndə mən artıq püxtələşmiş bir müğənni idim. Şəxsən özümə deməmişdi. Məndən başqa hamıya, məsələn, rəhmətlik Rafiq Babayevə, ailə üzvlərinə, musiqiçilərinə sənətim haqda danışmışdı. Haqqımda deyilən xoş sözləri kənardan eşidirdim. Rəşid Behbudov deyirdi ki, Flora oxuyanda sanki adamın gözü qarşısında bir teatr tamaşası canlanır".
Qeyd edək ki, Yutub şəbəkəsinə yerləşdirilmiş videoda xalq artisti Flora Kərimova ərəb mahnısı oxuyur.
Rəşid Behbudovla Flora Kərimovanın eyni səhnəni bölüşdüyü həmin videonu təqdim edirik.
Tarix
2015.08.01 / 22:54
|
Müəllif
Nigar An
|