Bu gün Azərbaycanın ilk qadın pilotu Leyla Məmmədbəyovanın anım günüdür.

Kult.az təyyarəçi haqda maraqlı məlumatları təqdim edir.

- Əslən Qubadan olan Leyla Məmmədbəyova 17 sentyabr 1909-cu ildə Bakıda anadan olub.

- Bakı aeroklubunda təhsil alan L.Məmmədbəyova ilk uçuşunu 1931-ci ildə həyata keçirib.

- O, tək Azərbaycanda yox, Qafqazda, bütün Cənubi Avropada və Ön Asiyada ilk qadın təyyarəçi hesab olunur.

- 1933-cü il martın 17-də təlimçi-pilot kimi fəaliyyət göstərən L.Məmmədbəyova SSRİ Osoaviaxim Mərkəzi uçuş-texniki məktəbində məşq zamanı "U-2" təyyarəsindən "PT-1" paraşütlə tullanan Sovet İttifaqında ikinci, Azərbaycanda isə ilk qadındır.

- Mayor L.Məmmədbəyovaya yetkinlik yaşına çatmayan dörd uşağına görə İkinci Dünya müharibəsində iştirak etməyə icazə verilmir.

- Müharibədə iştirak etməsə də, 4000 paraşütçü-desant hazırlayaraq qələbəyə böyük töhfə verib.

- 1989-cu ilin iyulunda vəfat edən L.Məmmədbəyova II Fəxri Xiyabanda dəfn edilib.