XXI Əsr Təhsil Mərkəzi İctimai Birliyinin Azərbaycan Respublikasının prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə "Tam orta təhsil pilləsində dərs deyən müəllimlərin peşəkar kompetensiyalarının artırılmasına dəstək" layihəsi çərçivəsində hazırladığı "Müəllimlərin peşəkar kompetensiyalarının artırılmasına dəstək, mövcud təcrübələr, tövsiyələr" kitabının təqdimatı keçirilib.

Axar.az xəbər verir ki, Tam orta təhsil pilləsində dərs deyən müəllimlərin peşəkar kompetensiyalarının artırılmasına dəstək" layihəsi çərçivəsində hazırlanmış kitab məhz strategiyada nəzərdə tutulan səriştəli təhsil verənin formalaşdırılmasına xidmət edir.

Kitab giriş də daxil olmaqla 17 paraqrafdan ibarətdir.

Sözügedən kitabdan hazırda 300 nüsxə çap edilsə də, qarşıda duran əsas məqsəd onun sayını çoxaltmaq və bütün təhsil müəssisələrinə paylamaqdır.

Mərasimdə iştirak edən qonaqlar kitabın daha böyük auditoriyaya çatdırılması mövzusunda maraqlı təkliflərlə çıxış ediblər.

Qeyd edək ki, tədbirdə Əjdər Ağayev, Nadir İsrafilov, Şahlar Əsgərov, Fazil Mustafa, Cəsarət Valehov, İradə Rzazadə və digər ziyalılar iştirak ediblər.