Dünya şöhrətli şair Nazim Hikmətin Nobel mükafatlı fransız fizik Frederik Jolio-Küri ilə birgə Rusiyada çəkilən video görüntüləri ortaya çıxıb.

Axar.az xəbər verir ki, 64 ilə əvvəl təyyarələrin paradını (hava nümayişini) izləyərkən çəkilən videoda dünya elmi üçün iki çox önəmli şəxsiyyətin birlikdə söhbət etdiyi görünür. Məlumata görə, Tuşino Aeroportunda həyata keçirilən parad iyulun 8-i Sovet Hava Qüvvələri Günü münasibəti ilə təşkil edilib.

Moskvaya gedəndən 10 gün sonra çəkilib

1951-ci il iyunun 29-da Moskvaya gedən Nazim Hikmətin düz 10 gün sonra 1951-ci il iyulun 8-də izlədiyi paradı Stalin də izləyib. Nazim Hikmətlə birgə təyyarə nümayişini izləyən fransız fizik Frederik Jolio-Küri 1925-ci ildə Mariya Kürinin assistenti olub. 1935-ci ildə Kimya üzrə Nobel mükafatı alan alim 1951-ci ildə Stalin Sülh Mükafatına layiq görülüb.