Xalq artisti Rafiq Əzimov ötən gün dünyasını dəyişən Azərbaycan Dövlət Akademik Milli Dram Teatrının rəhbəri Azər Paşa Nemətovun ölümündən danışıb.

Kult.az xəbər verir ki, xalq artisti Teleqraf.com-a açıqlamasında Azər Paşa Nemətovun evdə tək olduğunu bildirib.

“Azər Paşa özünü pis hiss edəndə Mehman adlı sürücüsünə zəng edib və vəziyyətinin yaxşı olmadığını deyib. Ondan evə gəlməsini xahiş edib və qapını da açıq qoyub. Sürücüsü deyir ki, içəri girəndə görüb ki, qonaq otağında yerə yıxılıb.

Biz bu cür ölümünü gözləmirdik. Onurğasından böyük əməliyyat keçirmişdi. O vəziyyətdə teatra gəlib tamaşalar hazırlayırdı. Allah rəhmət eləsin. Ruhu şad olsun”.

Qeyd edək ki, Azər Paşa Nemətov ötən gün 76 yaşında dünyasını dəyişib.