Ana səhifə Kult |
Bu gün Azərbaycanın xalq şairi Sabir Rüstəmxanlının qızının toyudur.
Axar.az xəbər verir ki, xalq şairinin qızı Aydan Rüstəmxanlı Azərbaycanın tanınmış müğənnisi Elçin Cəfərovla evlənir.
Toy Bakıda, "Su Sonası" restoranında keçirilir.
Toy mərasimində Türkiyənin tanınmış ictimai-siyasi xadimləri, "Hürriyyət" və "Bengü Türk" kanalının rəhbərləri, məşhur türk müğənnisi Əhməd Şəfəq, Azərbaycanın millət vəkilləri, tanınmış ictimai xadimlər, müğənnilər, Nəqliyyat naziri Ziya Məmmədov, Dövlət müşaviri və yazıçı Kamal Abdulla, tanınmış ictimai xadim, yazar Sona Vəliyeva, Bakı Dövlət Universitetinin rektoru Abel Məhərrəmov və digər universitet rektorları, məşhur müğənnilər iştirak edirlər.
Toy mərasimini Ağadadaş Ağayev və Faiq Ağayev idarə edir. Həmçinin Türkiyədən gəlmiş musiqi ansamblı da milli türk mahnıları səsləndirir.
Axar.az kollektivi Sabir və Tənzilə Rüstəmxanlıları təbrik edir, gənc ailəyə xoşbəxtlik arzulayır.
Tarix
2016.04.15 / 21:35
|
Müəllif
Axar.az
|