Bu il şou əhlinin bir neçə üzvü ailə həyatı qursa da, bəziləri evliliklərinə son veriblər.

Axar.az 2017-ci ildə ailə vəziyyətlərini dəyişən sənət adamlarının siyahısını təqdim edir.

1. Xalq artisti Aygün Bayramova bu il ailə quranlar siyahısındadır. O, iranlı iş adamı və musiqiçi Fəraməz Gərmrudi ilə mayın 23-də ailə qurub.

2. Bu il ailə quranlardan biri də müğənni Xəyyam Nisanovdur. O, Nərmin adlı xanımla nikah masasına oturub. Onların dəbdəbəli toyu mayın 25-də baş tutub.

3. Aktyor İlkin Həsəni bu ilin aprel ayında Aysel adlı xanımla ailə qurub. Aysel ATV-nin əməkdaşıdır.

4. Müğənni Abbas Bağırov ikinci dəfə ailə həyatı qurub.

5. Dekabrın 5-də isə aktyor Nicat Rəhimovun toyu olub. O, Ülviyyə adlı xanımla evlənib.

6. Bu ilin ən səs-küylü hadisələrindən biri də müğənni Natəvan Həbibi ilə repçi Səidin (Dado) ailə qurması olub. Onlar iyul ayında evlənmələrinə baxmayaraq, bir neçə gün əvvəl ayrılıblar.

7. Repçi Anar Nağılbaz həyat yoldaşı Anjelika ilə yollarını ayırdığını bildirərək, Aytən adlı xanımla evlənəcəyinə dair açıqlama verib.

8. Müğənni Rəvan Qarayev də həyat yoldaşı Günaydan ayrılıb. Bu, Rəvanın ikinci evliliyi idi.