Mənim zəhmətkeş bacılarım, sizə baxanda yolunu azmış “qadıncıqlara” yazığım gəlir.

Kult.az xəbər verir ki, bu sözləri müğənni Nadir Qafarzadə qeyd edib. O, İcra hakimiyyətinin küçələrin təmizliyindən məsul işçiləri ilə foto çəkdirib və İnstaqram hesabında paylaşaraq bu sözləri yazıb:

“Bu analar, bacılar hər gün şəhərimizin təmizliyi ilə məşğuldurlar. Aldıqları məvacib çox olmasa da, öz əllərinin zəhməti ilə qazanırlar. Ey insanlar, gəlin onların əməyini qiymətləndirib şəhərimizi təmiz saxlayaq! Bu Allaha da xoş gedər, onlara da. Siz (təmizlikçi qadınlar – red.) çox yüksəkdəsiniz, amma onlar əxlaqsız yollarla sizdən çox qazansalar da, yenə aciz, yoxsul və yazıqdırlar. Çünki yüksək qadın adını pula satırlar. Sizinlə fəxr etməyə dəyər. Dəyərli Azərbaycan qadını, əllərinizdən öpürəm”.

İzləyiciləri N.Qafarzadənin bu addımını təqdirlə qarşılayıblar.