Müğənni Günel Zeynalova Türkiyədə “iki ölkənin sənətçisi” mükafatına layiq görülüb.

Kult.az xəbər verir ki, bu barədə müğənni sosial şəbəkədə məlumat yayıb. O, mükafatlandırma mərasimini “Azərbaycan və Türkiyə qardaşlığına yaraşan bir davranış” adlandırıb.

“20 ildə xeyli sayda mükafat almışam. Hamısı mənim üçün çox dəyərlidir, amma iki ölkənin sənətçisi seçilmək, belə bir dəyərə layiq olmaq qürurvericidir. Bu önəmli gecə üçün əməyi keçən hər kəsə təşəkkür edirəm. “Ödül kimi ödül” buna deyərəm. Bu gecədə mükafat alan hər kəsi təbrik edirəm. Yaxşı ki, varsınız, dəyərli komandam”, - Günel yazıb.