Ana səhifə Maqazin |
Oktyabrın 4-də Rəşid Behbudov adına Dövlət Mahnı Teatrında konsertimiz olacaq. Gülyaz xanım xanəndədir, mən isə estrada mahnıları oxuyuram. Konsertdə estrada və xalq mahnılarının sintezi olacaq.
Bu sözləri Kult.az-a xalq artisti Gülyaz Məmmədovanın tələbəsi Rəvan Zeynalov deyib.
“Çalışırıq ki, yeniliklər edək. Bu konsertdə də sırf yeniliklər olacaq. Həm duetlər, həm solo ifalar - tamamilə fərqli şeylər olacaq”, - ifaçı bildirib.
Xalq artisti isə tələbəsinin bacarıqlı, istedadlı müğənni olduğunu vurğulayıb:
“Rəvan Zeynalov 14 xeyriyyə konserti təşkil etmiş, bacarıqlı, istedadlı estrada ifaçısıdır. Tələbəmin dediyinə görə, səhnədə sürprizləri var. Maraqlı performanslar göstərəcək. Arzu edirəm ki, uğurlu çıxış etsin. Maraqlı duetlərimiz də olacaq”.
Qeyd edək ki, konsert oktyabrın 4-də Rəşid Behbudov adına Dövlət Mahnı Teatrında baş tutacaq.
Tarix
2018.10.03 / 13:51
|
Müəllif
Sevinc Xan Qızı
|