Ərdəbilli müğənni Peyman Keyvaninin 25 noyabrda Ərdəbildə keçirilməsi planlaşdırılan konserti ləğv edilib.

Kult.az xəbər verir ki, müğənni konsert proqramının ləğv edilməsinə özünün İnstaqram səhifəsində etiraz edib.

“Salam dostlar. Konsert 25 noyabrda Ərdəbildə icra olunmayacaq. Həqiqət budur ki, hər gün problem yaşamağa əsəblərim dözmür. İnşallah, paytaxt müğənniləri gəlib sizə konsert verəcəklər. Bir gəncin qürurunun sınmasına səbəb və yerli müğənnilərin konsertinə mane olanlar sevinsin. Biz də sevinəcəyik, amma onda ki...

Keçəcək zaman, gələcək o gün

Qara torpağın dadasan dadın...

Bizim Allahdan başqa arxalanacağımız heç kim yoxdur. Elə ona görə sizi Allaha tapşırıram. Heç vaxt şərəfsizlər qarşısında başımı əymədim, yaltaqlanmadım, haqqımı istədim, alınmadı. Önəmli deyil, başıma fəda olsun”.