Deyirlər ki, "Bozbash pictures" darmadağın oldu. Xeyr, "Bozbash pictures" dağılmayıb. Biz hər mövsüm finalında "ölürük", gələn mövsümdə yenidən başlayırıq.

Kult.az xəbər verir ki, bu sözləri Milli.az-a geniş müsahibəsində “Bozbash piktures”in aktyoru Nicat Rəhimov deyib. O bildirib ki, builki mövsümə fasilə veriblər:

“Artıq 2-3 cü dəfədir ki, fasilə erib, yenidən başlayırıq. Kollektivimiz, dostluğumuz olduğu kimi qalıb”.

N.Rəhimov hazırda komandanın "Bombaltı" filminə çəkildiyini bildirib:

“Film "İlkmedia" şirkətinin məhsuludur və rejissoru Rauf Ocaqverdiyevdir. Bəlkə də bizim indiyə qədər çəkdiyimiz filmlərin içində "Bombaltı" ən maraqlısıdır. Təkcə Piter səfərimiz qalıb, o səhnəni də çəkib filmi bitiririk”.