Aparıcı Elgiz Əkbər mərhum xalq artisti İlhamə Quliyeva ilə bağlı maraqlı etiraf səsləndirib.

Axar.az xəbər verir ki, Elgiz restoranda baş verən bir hadisəni danışıb.

O bildirib ki, İlhamə Quliyeva hesab ödəməmək üçün restorana şər atıb:

"Hesab çox oldu. Baxdı ki, çox şey sifariş edib. Yanındakına dedi ki, guya sən zəhərlənmisən, başla qusmağa. Mən pis oldum ki, restoranda belə gözəl qulluq olub axı... Yanımızda oturan da elə bil öyrənmişdi. Başladı qaytarmağa. İlhamə xanım təcili yardıma zəng vurdu ki, təcili gəlin filan restorana, burada insan ölür. Başladı qışqırmağa ki, bu nə yeməkdi?

Qəfildən qapı açıldı, restoranın əməkdaşı girdi içəri ki, filankəs - adını çəkməyim, o vaxt vəzifədə idi, indi dünyasını dəyişib - bildi burdasınız, hesabınızı ödəyib. İlhamə Quliyeva qayıtdı ki, zəng edin, təcili yardım gəlməsin. Yenidən yeməyə davam etdi".