Moskva Şəhər Məhkəməsi komediya aktyoru İdrak Mirzəlizadənin Rusiyaya gəlmə qadağasının ləğvi ilə bağlı vəsatətini rədd edib.

Kult.az xəbər verir ki, bu barədə “RİA Novosti” məlumat yayıb.

Buna baxmayaraq, Mirzəlizadənin vəkili aktyorun sona qədər mübarizə aparacağını deyib.

Qeyd edək ki, Mirzalizadə “Stand-up Club № 1” layihəsinin prodüseri və bir neçə şou verilişinin aparıcısı kimi tanınır. Ona qarşı tətbiq edilən qadağanın səbəbi çıxışından kəsilərək İnstaqramda paylaşılan bir fraqment olub.

Görüntülərdə komediya ustası “deyəsən ruslar nəcisi özlərinə sürtüb, sonra yatırlar” deyə bildirib. Məhz bu videonu Vladimir Solovyov öz verilişində nümayiş etdirərək, Mirzəlizadəni rusofob kimi təqdim edib. Hərçənd ki, Mirzəlizadə onun sözlərinin kontekstdən çıxarıldığını və bunun üçün də yanlış anlaşıldığını vurğulayıb.