Bu, sadəcə, bir anonsdur. Çox kiçik yaşlarımdan bəri oxuyuram, yəni efirə yad adam deyiləm.

Bunu müğənni Könül Kərimova Kult.az-a açıqlamasında Xəzər TV-də “Xəzər axşamı” adlı proqram hazırlığından danışarkən deyib.

Verilişin formatına gəlincə, K.Kərimova bildirib ki, verilişdə həmkarları qonaq olacaq, digərlərindən fərqlənən proqram təqdim etməyə çalışacaqlar.

Müğənni verilişin necə yaranmasından da danışıb:

“Söhbət musiqidən gedir” verilişində qonaq olduğum gün Leyla xanım (aparıcı Leyla Quliyeva) və əməkdaşlarının təşəbbüsü ilə “Xəzər” televiziyasından təklif aldım. Neçə il bundan öncə belə proqramım olub. Ona görə də bu veriliş mənim üçün ilk deyil və bu verlişdə məsuliyyətim daha çoxdur. Bu, çox böyük layihədir. Çox çalışıb düşünürəm ki, bu etimadı doğrultmalıyam. Əgər Xəzər TV bu işə məni dəvət edibsə, bu mənim üçün çox böyük məsuliyyətdir. Var gücümlə çalışacam ki, onların etimadını doğruldum. Tamaşaçıların münasibətini artıq zaman göstərəcək. Biz əlimizdən gələni edəcəyik”, – müğənni deyib.

Müğənni verilişin yaxın günlərdən efirə çıxacağını bildirib.