Bayram ərəfəsidir, istəmərəm Fatimə ilə küsülü qalım. Onunla toylarda üz-üzə gəlmişik, onu izləmişəm.

Axar.az xəbər verir ki, bu sözləri müğənni Xatun bir müddətdir küsülü olduğu tanınmış rəqqasə Fatimə Fətəliyeva haqda jurnalistlərin suallarını cavablandırarkən deyib. O, artıq barışdıqlarını bildirib:

"Məndə də rəqs etmək qabiliyyəti var. Ona görə də onu parodiya etdim. Fatimə çox mehriban və sülhsevər insandır. Ona həmişə haqsızlıq edilir. Mən milli geyimdə özümü ona oxşatdım və rəqs etdim. Fatimə məndən incidi, sonra aparıcı Lamiyə Ələkbərova bizi barışdırdı. Mən parodiyada tam Fatiməni təkrarlaya bilmərəm. Bəzi halları ona oxşada bildim. Fatimənin buna görə ağlamasını, üzülməsini heç istəmirdim".

Xatırladaq ki, müğənni Xatun Fatiməni parodiya etdiyinə görə tərəflər arasında soyuqluq yaranmışdı.