Türkiyənin tanınmış sənətçilərindən olan Əmrah TV8 kanalının rəhbəri Acun İlıcalını məhkəməyə verib.

Baku.vs xəbər verir ki, müğənni "Unuda bilsəm", "Götür məni getdiyin yerə", "Ehtiyacım var" adlı əsərlərinin "O səs Türkiyə", "Yetənək Sizsiniz" və "Rising Star" adlı proqramlarda ondan icazə alınmadan istifadə edilməsi iddiası ilə "Acun Media"nı məhkəməyə verib, 225 min türk lirəsi maddi, 119 min türk lirəsi isə mənəvi təzminat tələb edib.

Bununla bağlı müğənni jurnalistlərə açıqlamasında deyib:

"Bu, təkcə mənimlə bağlı məsələ deyil. Məndən başqa bütün bəstəkarlara hörmətsizlik edilib, haqları ödənməyib, adları belə yazılmayıb. Biz də TV rəhbərlərinin bu hüquqa zidd əməlinə etiraz etdik. Bundan sonra qanunauyğun hərəkət edərlər".