Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Fevral 2020


Emin Ağalarov Peterburqda konsert verəcək

Ana səhifə Kult Musiqi
12 Punto 14 Punto 16 Punto 18 Punto

Sankt-Peterburq şəhərinin sakinləri və qonaqları avqustun son günündə İncəsənət meydanında keçiriləcək Drezden Opera balına dəvətlidirlər. Musiqi şousunun kulminasiya nöqtəsi Rusiya və Azərbaycan müğənnisi Emin Ağalarovun çıxışı olacaq.

Azərtac xəbər verir ki, Azərbaycanın Xalq artisti, “Crocus Group” holdinqinin vitse-prezidenti Emin Ağalarov Sankt-Peterburqda keçiriləcək Drezden Opera balının açıq meydançasında musiqisevərlərin qarşısına çıxacaq. Bu barədə tədbirin təşkilatçıları bildiriblər.

Peterburqlular və şəhərin qonaqları üçün festival Mixaylov Teatrı ilə Akademik Filarmoniya arasında yerləşən İncəsənət meydanında keçiriləcək. Müğənni deyib: “Sankt-Peterburq şəhərinin bütün sakinlərinə müraciət etmək istəyirəm: şouya baxmağa gəlin və biz şəhərinizi dünyanın ən gözəl və işıqlı məkanına çevirəcəyik. Sürprizlərlə və gözlənilməz əyləncə ilə dolu bu möhtəşəm gecəni İncəsənət meydanında bizimlə birlikdə keçirin”.

Sayt yazır ki, artist 2012-ci ildə Bakıda keçirilən “Eurovision” beynəlxalq mahnı müsabiqəsinin xüsusi qonağı olub. O, həmin ildə “İlin ən yaxşı yeni artisti” nominasiyasında “Grammy” beynəlxalq mükafatına layiq görülüb. Bundan başqa, Emin bir çox digər mükafatların da sahibidir.

Arzu edənlər qonaqların qırımızı xalı üzərindən VIP keçidi mərasimini də izləyə biləcəklər. Bundan sonra onlar konsertin translyasiyasına baxacaq və musiqi festivalının şousundan zövq alacaqlar. Tədbirin aparıcıları məşhur “Taxt-tac oyunları” seriyalında rol almış artistlər Oksana Fyodorova və Tom Vlaşixa olacaq. Həmçinin, cazın əfsanəvi ifaçısı İqor Butman və Almaniyanın “Çingizxan” pop-qrupu da səhnəyə çıxacaqlar.

Tarix
2019.08.28 / 15:30
Müəllif
Kult.az
Şərhlər
Digər xəbərlər

Polad Bülbüloğlunun yubiley konserti keçirildi - Foto

Mehriban Əliyeva xalq artistini buna görə təbrik etdi

Azərbaycanın “Qaragilə”si necə yaranıb? – Maraqlı tarixçə

Musiqiçi: Qarabağdan oxuyanda yaxşı pul verirlər - Video

“Avroviziya”da iştirak etmək istəyənlərin nəzərinə!

Zeynəb Xanlarova 12 il sonra konsert verəcək

Eyvazov erməni ilə bir səhnədə oxumaqdan imtina etdi

Türkmənbaşı Azərbaycan mahnısı ifa etdi - Video

Parisdə azərbaycanlı solistlər konsert verdi

Avroviziyada iştirak edəcək ölkələr açıqlandı

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla