Ana səhifə Kult Musiqi |
2020-ci ildə "Jara” beynəlxalq musiqi festivalı beş gün keçiriləcək.
Kult.az xəbər verir ki, bunu xalq artisti Emin Ağalarov İnstaqram hesabında paylaşdığı videoda deyib. Xalq artistinin sözlərinə görə, “Jara” musiqi festivalı 29 iyul-2 avqust tarixlərində keçiriləcək:
“Festivalın ilk gününü möhtəşəm konsert proqramı ilə açacağıq. İkinci gün isə Filipp Kirkorovun yaradıcılıq gecəsi keçiriləcək. Orada meqa-ulduzlar çıxış edəcəklər. Festivalın üçüncü günü 90-cı illərin hitləri səslənəcək. Bununla yanaşı, Dima Malikovun yaradıcılıq gecəsi olacaq. Avqustun 1-də beynəlxalq musiqi ziyafəti keçiriləcək. Burada dünyanın bir çox yerindən məşhur müğənnilər çıxış edəcək. Sonuncu gün isə festivalın bağlanış gecəsi baş tutacaq. Həmin gecədə çoxlu sayda gənc ifaçıların çıxışı gözlənilir. 2020-ildə "Jara”nın yubileyi, beş yaşı tamam olur. Beş gün keçiriləcək musiqi festivalına artıq hazırlıq işləri başlayıb”.
Qeyd edək ki, Rusiya və Azərbaycan şou-biznesinin məşhur pop ulduzlarının iştirak etdiyi "Jara” beynəlxalq musiqi festivalı adətən 4 gün davam edir.
Tarix
2019.10.05 / 19:59
|
Müəllif
Büllurə Yunus
|