Şəhid pokovnik-leytenant Soltan Məmmədovun xatirəsinə ithaf olunmuş “Yuxunda görmüsən” adlı mahnının klipi təqdim olunub.

Kult.az xəbər verir ki, şəhid polkovnik-leytenanta həsr edilmiş ifanı xalq artisti Samir Cəfərov səsləndirib.

Mahnının musiqisi fəlsəfə doktoru Könül Hüseynovaya, sözləri isə xalq şairi Vahid Əzizə məxsusdur.

Rejissorluğu Orxan Aliyə aid olan klipdə şəhid Soltan Məmmədov və onun xanımının obrazlarını əməkdar artist Elnur Hüseynov və gənc müğənni Minayə Hüseynova canlandırıblar.

Qeyd edək ki, klipin təqdimatı ötən gün şəhid Soltan Məmmədovun şəhadətə qovuşduğu Tərtər rayonunun Suqovuşan qəsəbəsində “Təki Vətən yaşasın” adlı tədbirdə olub.