Ukrayna üçün ABŞ Prezidenti Donald Trampın emosional açıqlamaları deyil, onun atacağı praktiki addımlar önəmlidir.

Axar.az xəbər verir ki, bunu ukraynalı hərbi ekspert Sergey Qrabski Donald Trampın rusiyalı həmkarı Vladimir Putinə qarşı ultimatum müddətinin azaldılmasını şərh edib.

“Bu cür emosional açıqlamalar əvvəllər də səslənib, indi də səslənir və gələcəkdə də səslənəcək. Bizim üçün vacib olan, bundan sonra hansı praktiki addımların atılacağıdır. Biz real dəyişiklikləri, Rusiyanın əsas sənaye sahələrinə qarşı sanksiyaların tətbiqini, qeyri-qanuni neft tədarükünü dayandırmaq üçün ABŞ donanmasının Baltik dənizinə yerləşdirilməsini, Rusiyanın ABŞ-dakı diplomatik nümayəndəliklərinin bağlanmasını, rusiyalılara viza verilməsinin kəskin şəkildə məhdudlaşdırılmasını görəndə, o zaman deyilənlərin praktiki həyata keçirilməsindən danışmaq olar”, – ekspert bildirib.

O vurğulayıb ki, hazırda bu sadəcə əsəblərə oynamaqdır, çünki Rusiya tərəfindən hələlik heç bir praktiki reaksiya yoxdur.