Ukrayna Milli Təhlükəsizlik və Müdafiə Şurasının katibi Rüstəm Umerov Rusiya nümayəndələri ilə danışıb. Bu barədə o, Prezident Vladimir Zelenskiyə məruzə edib.

Axar.az xəbər verir ki, bu barədə “Strana” nəşri məlumat yayıb.

Nəşrin məlumatına görə, Ukrayna Prezident Ofisinin rəhbəri Andrey Yermakla birlikdə bu gün Rusiya tərəfi ilə İstanbulda keçirilən görüşlərdə əldə olunmuş razılaşmaların icrası, eləcə də yeni görüşə hazırlıq məsələləri müzakirə edilib.

“Əsas məsələlər arasında əsir mübadiləsinin davam etdirilməsi var. 1200 nəfərin dəyişdirilməsi ilə bağlı razılıq əldə olunub, siyahılar üzərində iş gedir. Milli Təhlükəsizlik və Müdafiə Şurasının katibi Rusiya nümayəndəsi ilə əlaqə barədə məlumat verib. Biz də mülki vətəndaşlarımızın geri qayıtması üzərində işləyirik və hər bir adla bağlı məlumatları dəqiqləşdiririk”, - Zelenski özünün Teleqram kanalında yazıb.